சசிகுமார் நடிப்பில் உருவாகி வரும் ‘டூரிஸ்ட் ஃபேமிலி’ திரைப்படத்தின் படப்பிடிப்பு முடிவடைந்ததாக படக்குழு அறிவித்துள்ளது. இதற்காக ரசிகர்கள் மற்றும் படக்குழுவினர் உற்சாகமாக உள்ளனர்.
அறிமுக இயக்குநர் அபிஷான் ஜீவின்ந் இயக்கியுள்ள இந்த படம், முழு குடும்பத்திற்கே பொருந்தக்கூடிய ஃபேமிலி என்டர்டெய்னர் ஆக உருவாகியுள்ளது. படத்தில் சசிகுமாருடன் சேர்ந்து சிம்ரன், மிதுன் ஜெய்சங்கர், கமலேஷ், யோகி பாபு, ரமேஷ் திலக், எம்.எஸ். பாஸ்கர், பகவதி பெருமாள் உள்ளிட்ட பலர் நடித்துள்ளனர். அரவிந்த் விஸ்வநாதன் ஒளிப்பதிவு செய்துள்ள இப்படத்திற்கு, புகழ்பெற்ற இசையமைப்பாளர் ஷான் ரோல்டன் இசையமைத்துள்ளார். மில்லியன் டாலர் ஸ்டுடியோஸ் மற்றும் எம் ஆர் பி என்டர்டெயின்மென்ட் சார்பில் நசரேத் பசலியான், மகேஷ் ராஜ் பசலியான், மற்றும் யுவராஜ் கணேசன் இணைந்து தயாரிக்கின்றனர்.